وورك تاسك مي مساحة عمل أجايل لفريق بيتكلم أكتر ما بيكتب. بورد وباك لوج وتقويم واجتماعات — وكمان الحاجة اللي مش عند حد غيرنا: قول اللي عايز يتعمل، بالعربي أو بالإنجليزي، وترجعلك مهام بالشخص والأولوية والتاريخ الصح.
الحاجة اللي مش عند حد غيرنا
قول اللي عايز يتعمل — في اجتماع، وإنت سايق، بالمصري وكلمات إنجليزي في النص. بيقرا الأسامي والتواريخ والأولويات، وبيوريك فهم إيه قبل ما تتعمل ولا حاجة.
اعمل تاسك لمصطفى يراجع فاتورة الفتح بكرة، ومهم جدًا
إن الفريق يبقى فيه اتنين اسمهم كريم مش حاجة نادرة، دي حاجة عادية. ومهمة بتتحط على الشخص الغلط في السكات بتكلّف أكتر بكتير من مهمة من غير مسؤول حد بيظبطها في تانيتين.
بتاخد إيه
مساحة واحدة فيها البورد والباك لوج والتقويمين والناس — بدل اشتراكين وشيت إكسل بينهم.
اسحب الكروت بين الأعمدة وكل اللي فاتحين البورد يشوفوها بتتحرك. والأعمدة بتسمّيها إنت، لكل مشروع.
حُطّ الشغل اللي مش بتاع السبرنت ده من غير ما يزحم البورد، واسحبه لما يبقى فيه مكان.
المواعيد النهائية بتاعة البورد. والاجتماعات بتاعة اليوم. خلطهم هو اللي بيخلي الاتنين محدش بيثق فيهم.
أدمن، عضو، مشاهد — ومقعد للقراءة بس تديه لعميل من غير ما يقدر يلمس حاجة.
الواجهة كلها بتقلب لتخطيط عربي حقيقي من اليمين للشمال. مش صفحة إنجليزي اتبدّل كلامها.
المشاريع والمهام والتعليقات والمرفقات والحالات والناس — بتتنقل في مرة واحدة، بمفاتيحها وتاريخها.
اسأل البورد
مين محمّل زيادة. إيه المتأخر ومين ماسكه. اعمل خطة الأسبوع. بيرد من على البورد بتاعك فعلًا — المشاريع والناس والتواريخ — ولو الرد بيستدعي شغل، بيقترح المهام وتحت كل واحدة سطر بيقول إيه اللي خلاه يقترحها.
مين اللي هيستخدمه
وورك تاسك مي طلع من سوفت وير هاوس بيشغّل عشرة مشاريع لعملاء في نفس الوقت، بلغتين، وعملاء عايزين يشوفوا الشغل ماشي إزاي من غير ما يقدروا يغيّروا فيه. كل قرار جواه بيرد على مشكلة حصلت فعلًا.
البداية مجانية، من غير كارت، وجيرا بتاعتك بتيجي معاك. بالعربي أو بالإنجليزي، على حسب الجملة طلعت إزاي.